Níunda kvöldganga Byggðasafns Dalamanna verður fimmtudaginn 17. ágúst kl. 19 í Laugadal í Hörðudal. Upphaf ferðar er við Hólmarétt og genginn vegaslóði fram Laugadalinn.

Fimmtánda Íslandsmeistaramótið í hrútadómum verður sunnudaginn 20. ágúst kl. 14 í Sævangi á Ströndum. Þessi íþróttagrein sem í daglegu tali er kölluð hrútaþukl er uppfinning Strandamanna og hefur verið haldin árlega á Sauðfjársetrinu frá árinu 2003. Á síðasta ári mættu um 500 manns til að horfa á keppnina og yfir 70 tóku þátt.

Skólasetning grunnskóladeildar Auðarskóla fer fram þriðjudaginn 22. ágúst í Dalabúð og hefst athöfnin klukkan 10:00.

Klukkan 11:00 verður kynning fyrir nemendur yngsta stigs, klukkan 11:20 verður kynning fyrir nemendur á miðstigi og klukkan 11:40 fyrir nemendur elsta stigs.