Laus störf í Dalabyggð og nágrenni
Allir þeir sem hafa í boði lögleg störf, innan þess svæðis að íbúar Dalabyggðar geti sótt þau, geta fengið atvinnuauglýsingar birtar hér endurgjaldslaust.
Tómstundaleiðbeinandi
Tómstundaleiðbeinandi óskast við Ungmenna- og tómstundabúðirnar á Laugum í Sælingsdal næsta vetur. Tómastundaleiðbeinandi hefur m.a. umsjón með þremur námskeiðum sem kennd eru ásamt því að sinna frístundastarfi að námskeiðum loknum.
Meðal hæfniskrafna eru leiðtogahæfileikar með áherslu á frumkvæði, sveigjanleika, jákvætt viðmót, samskiptafærni og skipulögð vinnubrögð. Reynsla í starfi með unglingum. Hreint sakavottorð. Háskólamenntun sem nýtist í starfi, þ.e. á sviði tómstunda og eða kennslu er æskileg.
Konur eru sérstaklega hvattar til að sækja um til að jafna kynjahlutföll tómstundaleiðbeinenda í Ungmennabúðunum.
Í Ungmenna- og tómstundabúðunum dvelja nemendur í 9. bekk við leik og störf frá hádegi á mánudegi til hádegis á föstudögum. Á Laugum eru einnig gistiaðstaða, íþróttahús og sundlaug sem heimamenn og aðrir gestir hafa aðgang að.
Nánari upplýsingar gefur forstöðumaður í síma 861 2660 eða á laugar@umf.is. Á vefsíðunni www.ungmennabudir.is er hægt að fá upplýsingar um búðirnar og á facebook síðunni Laugar Ungmenna- og tómstundabúðir.
Umsóknarfrestur er til 30. maí. Umsóknum skal skilað rafrænt á laugar@umfi.is.
Birt 21. maí 2013
Sælingsdalslaug - sundverðir
Sundverði vantar í Sælingsdalslaug næsta vetur og einnig vantar á nokkrar vaktir í sumar, aðallega um helgar.
Viðkomandi skal hafa lokið sundvarðarnámskeið, sem er hæfnispróf starfsmanna sem sinna laugargæslu, vera 18 ára eða eldri, gópð kunnátta í ensku og íslensku, þjónustulund og hreint sakavottorð.
Sundvarðarnámskeið verður haldið á vegum Sælingsdalslaugar í tveimur hlutum. Bókleg kennsla verður föstudaginn 31. maí kl. 14 á Laugum eða Hólmavík. Verkleg kennsla mánudaginn 3. júní kl. 12 á Hólmavík.
Þeir sem hafa áhuga á starfi við Sælingsdalslaug er bent á að hafa samband við Önnu Margréti í síma 861 2660 eða á laugar@umfi.is fyrir miðnætti 23. maí. Mikilvægt er að sækja sundvarðarnámskeiðið og taka sundpróf.
Opnunartímar Sælingsdalslaugar eru auglýstur hverju sinni á www.ungmennabudir.is og á www.dalir.is
Birt 21. maí 2013
Tímabundin störf fyrir námsmenn og atvinnuleitendur
Vinnumálastofnun hefur samþykkt umsókn Dalabyggðar um tímabundin störf fyrir námsmenn. Um er að ræða tvö störf í tvo til þrjá mánuði á tímabilinu júní til ágúst nk.
Verkefnin geta verið af ýmsum toga eftir áhugasviði umsækjenda svo sem umhverfisverkefni, aðstoð hjá byggingarfulltrúa eða verkefni tengd menningar- og ferðamálum.
Skilyrði fyrir ráðningu er að viðkomandi námsmaður sé milli anna í námi, þ.e. sé að koma úr námi og leggi fram skráningarstaðfestingu fyrir haustönn.
Nánari upplýsingar gefur Sveinn Pálsson sveitarstjóri. Umsóknareyðublöð eru á www.dalir.is og á skrifstofu Dalabyggðar.
Umsóknarfrestur er til 17. maí 2012.
Birt 30. apríl 2013
Vinnuskóli Dalabyggðar
Vinnuskólinn verður starfræktur frá 10. júní til 31. júlí og er fyrir unglinga fædda árin 1997 - 2000.
Daglegur vinnutími verður kl. 8-12 og 13-15 fimm daga vikunnar fyrir elstu börnin en fjóra fyrir hin yngri.
Umsóknareyðublöð má finna á vef Dalabyggðar og á skrifstofu Dalabyggðar.
Umsóknarfrestur er til 17. maí 2013.
Birt 9. apríl 2013
Flokksstjóri vinnuskóla
Starf flokksstjóra við Vinnuskóla Dalabyggðar er laust til umsóknar.
Æskilegt er að umsækjandi sé 20 ára eða eldri, hafi reynslu af því að að vinna með börnum og hafi bíl til umráða.
Umsóknareyðublöð eru á www.dalir.is og á skrifstofu Dalabyggðar.
Umsóknarfrestur er til 17. maí 2013
Birt 9. apríl 2013
Silfurtún
Óskað er eftir sumarstarfsfólki á Silfurtún sumarið 2013. Um er að ræða afleysingarstarf í sumar og fram á haust.
Laun eru samkvæmt kjarasamningi SDS og Sambands íslenskra sveitarfélaga.
Nánari upplýsingar veitir Eyþór J Gíslason rekstrarstjóri í síma 898 1251. Umsóknir sendist á netfangið silfurtun@dalir.is
Birt 26.3.2013
Hótel Edda á Laugum
Hótel Edda verður rekin á Laugum í Sælingsdal í sumar. Ráðningar standa nú yfir og því tímabært fyrir áhugasama að sækja um.
Á Laugum er rekið sumarhótel með 45 herbergjum, veitingastað, fundarherbergi, tjaldstæði og hjólaleigu.
Sumarið 2013 verður opið 7. júní - 27. ágúst og hótelstjóri verður Gunnar B. Rafnsson.
Umsóknareyðublöð má finna á heimasíðu Hótel Eddu.
Birt 3.4.2013