Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Umhverfis-og skipulagsnefnd, fundur nr. 83

Dags. 5.7.2018

83. fundur Umhverfis- og skipulagsnefnd Dalabyggðar haldinn í stjórnsýsluhúsinu í Búðardal, 5. júlí 2018 og hófst hann kl. 15:00.

 

Fundinn sátu: Hörður Hjartarson formaður, Bjarnheiður Jóhannsdóttir, Ragnheiður Pálsdóttir, Vilhjálmur Arnórsson, Jón Egill Jónsson, Bogi Kristinsson Magnusen skipulags- og byggingarfulltrúi.

 

Fundargerð ritaði: Bjarnheiður Jóhannsdóttir.

 

Dagskrá

1. 1708016 - Aðalskipulag Dalabyggðar 2004-2016 Breytingar      

Skipulagsstofnun hefur gert athugasemdir við breytingu á aðalskipulagstillögu, um að auglýsing verði endurbirt og frestur framlengdur um 3 vikur. Nefndin tekur undir það og að athugasemdafrestur við deiliskipulag við Borgarbraut (mnr. 1802017) og við Gildubrekkur (mnr. 1804023) verði einnig framlengdur.

 

2. 1806022 - Staða skipulags í sveitarfélaginu      

Gísli Gíslason frá Eflu kom á fundinn og fjallaði um umhverfi, ferli og lagaramma skipulagsvinnu, sem og stöðu skipulags í sveitarfélaginu.

Umhverfisnefnd leggur til við sveitarstjórn að hafin verði vinna að nýju aðalskipulagi á haustdögum.

 

3. 1806032 - Umhverfis- og skipulagsnefnd - skipun varaformanns og ritara          

Gengið var til kosninga, varaformaður var kosinn Ragnheiður Pálsdóttir. Formaður lagði til að Bjarnheiður Jóhannsdóttir yrði ritari og það var samþykkt samhljóða. Fundir verða haldnir fyrsta föstudag í mánuði kl. 13:00.

 

4. 1802010 - Breyting á deiliskipulagi Ólafsdals   

Engar athugasemdir bárust á auglýstum tíma.

 

5. 1805030 - Skógræktaráform í Ólafsdal 137878              

Nefndin leggur til við sveitarstjórn að ávörðun um málið verði frestað þar til mótuð hefur verið stefna hjá sveitarfélaginu varðandi notkun á landi tengt landbúnaði samfara nýju aðalskipulagi. Áformin samræmast illa tíðaranda Ólafsdals, sem bændaskóla.

 

6. 1806001 - Ferðaþjónustuhús – umsókn

Þorsteinn Einarsson sækir um leyfi fyrir byggingu ferðaþjónustuhús í landi Bjarga lnr. 226765.

Nefndin gerir ekki athugasemdir við útgáfu byggingarleyfis           

 

7. 1806014 - Umsagnarbeiðni – Þurranes

Sýslumaðurinn á Vesturlandi óskar umsagnar vegna umsóknar Jóns Inga Ólafssonar kt.251083-5929 um rekstrarleyfi til reksturs gististaðar í flokki III, minna gistiheimili og frístundahús, sem rekinn er sem Ferðaþjónustan Þurranesi, að Þurranesi (f.nr.211-8400), 371 Búðardal.

Nefndin gerir ekki athugasemdir við útgáfu rekstraleyfis.

 

8. 1805012 - Umsókn um uppsetningu á 3 möstrum         

Magnús og Sigurður komu á fund sem stóð yfir milli 15:00 og 17:00, með sveitarstjórn og umhverfis- og skipulagsnefnd áður en formlegur fundur nefndarinnar hófst og kynntu áformin á Hróðnýjarstöðum almennt, sem og áform um næstu skref. Jafnframt kom Gísli Gíslason landfræðingur hjá Eflu til að kynna skýrslu unna fyrir Dalabyggð: "Vindorka í Dalabyggð - stefnumótun og heildarúttekt". Skýrslan verður gerð aðgengileg á vef Dalabyggðar.

Nefndin tekur jákvætt í erindið en kallar eftir betri gögnum: Uppdrætti með nákvæmri staðsetningu vegaslóða og mastra, ásamt því að gögn séu á íslensku.

 

Fleira ekki gert. Fundi slitið kl. 19:15.

 

Hörður Hjartarson

Bjarnheiður Jóhannsdóttir

Ragnheiður Pálsdóttir

Vilhjálmur Arnórsson

Jón Egill Jónsson

Bogi Kristinsson Magnusen

 



Til baka