Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Stjórn Silfurtúns, fundur nr. 16

Dags. 17.5.2018

16. fundur Stjórnar Dvalar- og hjúkrunarheimilisins Silfurtúns haldinn  í stjórnsýsluhúsinu í Búðardal, 17. maí 2018 og hófst hann kl. 16:00


Fundinn sátu:
Jóhannes Haukur Hauksson formaður, Halla S. Steinólfsdóttir, Ingveldur Guðmundsdóttir, Sveinn Pálsson sveitarstjóri og Eyþór Jón Gíslason rekstrarstjóri.

 

Fundargerð ritaði:  Sveinn Pálsson,

 

Dagskrá:

 

1. Starfsmannamál - 1801020

Gerður hefur verið ráðningarsamningur við Ínu Rúnu Þorleifsdóttur um stöðu hjúkrunarforstjóra Silfurtúns og hefur Ína störf 1. ágúst nk.


Þangað til sér Jóna Helga Magnúsdóttir hjúkrunarforstjóri Fellsenda um hjúkrunarstörf á Silfurtúni og Eyþór Jón Gíslason um starfsmannahald og annan rekstur. Þórunn B. Einarsdóttir hjúkrunarfræðingur sér um RAI mat fyrir heimilið.


Eyþór greinir frá stöðu mála varðandi sumarafleysingar. Búið er að ráða tvo starfsmenn, einn starfsmann vantar til viðbótar seinni part sumars.

 

Stjórn býður Ínu Rúnu velkoma til starfa.

 

2. Samningur um eldhúsrekstur - 1805015

Samningur við Dalakot ehf. um rekstur eldhúss Silfurtúns er úr gildi fallinn.

 

Forsvarsmenn Dalakots eru tilbúnir til að endurnýja samninginn með minniháttar breytingum.

 

Stjórn felur sveitarstjóra að ljúka við samningsdrög og leggja fyrir fund sveitarstjórnar.

 

3. Gjafasjóður - gjafir og ráðstöfun - 1602020

Innistæða á reikningi 0312-13-300732 (Silfurtún/Gjafir) er nú kr. 276.785,-.

 

Innistæða á reikningi 0312-03-265321 er nú kr. 2.197.456,-. Heimilinu hefur borist peningagjöf 1,0 millj.kr. frá Margréti Jörundsdóttur til minningar um Kristinn Sveinsson frá Sveinsstöðum og í minningarsjóð Silfurtúns frá Harmonikkufélaginu Nikkólínu kr. 50.000,- til minningar um Björn Stefán Guðmundsson kennara.

 

Stjórn Silfurtúns þakkar góðar gjafir og þann hlýhug sem þeim fylgir.

 

Samþykkt að ráðstafa allt að 1 millj. kr. af reikningi 265321 til kaupa á húsgögnum í matsal og þráðlausum heyrnartólum fyrir heimilisfólk.

 

 

Fleira ekki gert. Fundi slitið kl. 16:30



Til baka