Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?

Haustfagnaður FSD 25.-26. október 2019 


 

Skráning lambhrúta á sýningar og til sölu

 

Föstudaginn 25. október kl. 18 verður lambhrútasýning og opin fjárhús á Stóra-Vatnshorni í Haukadal. Þar mæta til leiks best dæmdu lambhrútar úr suðurhluta Dalasýslu. Bændum býðst einnig að koma með hrúta á sýninguna sem þeir vilja selja innan hólfs. Sýningarstjóri verður Jón Ingi Ólafsson og dómarar Árni B. Bragason og Lárus G. Birgisson.

 

Laugardaginn 26. október kl. 11 verður lambhrútasýning og opin fjárhús á Breiðabólstað á Fellsströnd. Þar mæta til leiks best dæmdu lambhrútar úr norðurhluta Dalasýslu. Bændum úr þessu hólfi býðst einnig að koma með hrúta á þessa sýningu sem þeir vilja selja innan hólfs. Sýningarstjóri verður Jón Ingi Ólafsson og dómarar Árni B. Bragason og Lárus G. Birgisson. Í lok sýningar verða verðlaunaafhendingar.

 

Laugardagskvöldið 26. október kl. 20 verður sviðaveisla, hagyrðingar og dansleikur í Dalabúð. Kl. 19:30 opnar húsið. Borðhald hefst kl. 20.  Í boði verða ný, söltuð og reykt svið og sviðasulta ásamt kartöflumús og rófustöppu. Veislustjóri og stjórnandi verður Sveinbjörn Eyjólfsson.

Hagyrðingar verða Helgi Björnsson Snartarstöðum, Þórdís Sigurbjörnsdóttir Hrísum, Sigurjón Valdimar Jónsson Skollagróf og Þórður Brynjarsson Refsstöðum.

Hefðbundinni dagskrá haustfagnaðar lýkur með dansleik á miðnætti þar sem hljómsveitin Greifarnir munu sjá um að halda uppi fjörinu langt fram eftir nóttu.

 

Miðapantanir á sviðaveisluna fara fram hjá Jóni Inga í Þurranesi, helst með tölvupósti thurranes@gmail.com frá 18. október til og með 23. október. Aðgangseyrir er 8.000 kr fyrir sviðaveislu og dansleik. Eingöngu á dansleik kostar 3.500 kr. Hægt verður að greiða og sækja pantaða miða á sviðaveisluna í verslun KM þjónustunnar fimmtudaginn 24. október kl. 15-17. Aðgangseyrir aðeins á dansleik er 3.500 kr.

 

Þema ljósmyndasamkeppni FSD í ár er "Börn í búskap". Skila þarf inn myndum í síðasta lagi þriðjudaginn 22. október á netfangið thorunn.th @hotmail.com. Myndirnar verða síðan birtar á facebook síðu félagsins og á lambhrútasýningum.

 

Félag sauðfjárbænda í Dalasýslu

 

Skráning lambhrúta