Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
23. september 2015 11:44

Vinur minn missti vitið

Dalaskáldið Björn Stefán Guðmundsson frá Reynikeldu hefur gefið út  nýja ljóðabók. Bókin ber heitið Vinur minn missti vitið og er önnur ljóðabók Björns en áður kom út ljóðabókin Sæll dagur.  

Björn er löngu orðinn þekktur fyrir ljóðagerð sína og kveðskap og hafa allmörg verk efir hann birst í gegnum tíðina t.d. í blöðum, tímaritum og á hljómdiskum.

Efni ljóðanna er sem fyrr sótt til æskuslóðanna á Skarðsströnd, heimaslóðanna í Búðardal, náttúrunnar og þess samfélags í Dölum sem Björn hefur lifað og hrærst í.

Útgáfu bókarinnar verður fagnað í Leifsbúð sunnudaginn 11. október kl. 15 og þar verður hún jafnframt til sölu á meðan á stendur á sérstöku kynningarverði. Þar mun skáldið taka á móti vinum og heitt verður á könnunni. Hann mun jafnframt árita bókina fyrir þá sem þess óska og lesa nokkur vel valin ljóð.

Ljóðabókin Vinur minn missti vitið verður til sölu hjá Pennanum Eymundsson og Samkaup í Búðardal.

 

Ímynd þín

Eitt sumar með sólskin í hjarta

og signdi okkur veröldin bjarta

hver stund var sem blíðasta brosið

hvert blóm eins og ímynd þín.

  

Því sárt er að bíða og sakna

um sumarið minningar vakna

ég finn að þú ert hérna ennþá

en aldrei á leið til mín.

 

Á sælunnar stund birtust sorgir

það seiddu þig skýjanna borgir

og allt sem við áttum og sögðum

að eilífu marklaust var.

Það glitrar um víkur og voga

þá vonir í birtunni loga

hver stund er sem blíðasta brosið

hvert blóm eins og ímynd þín.