Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
21. febrúar 2014 18:00

Bæjarhátíð í Búðardal

Á síðasta fundi menningar- og ferðamálanefndar Dalabyggðar var ákveðið að bæjarhátíð í Búðardal yrði 11.-13. júlí. Seinka þurfti hátíðinni til að Vestfjarðavíkingurinn gæti orðið hluti af dagskránni.

Dagskrá bæjarhátíðar 2014 verður í samræmi við áhuga íbúa og þeirra þátttöku. Allar hugmyndir eru vel þegnar. Á síðustu bæjarhátíð var m.a. á dagskrá listasmiðja fyrir börn, blindrabolti, kjötsúpa, kvöldvökur, Vestfjarðavíkingurinn, markaður, lambakjötskynning, fornbíla- og dráttarvélasýning, ljósmyndasýning, tónlistaratriði, nytjamarkaður, kassabílarallý og dansleikur.

 

Bæjarhátíð sem þessi byggist á að félagasamtök, fyrirtæki eða einstaklingar taki einstök verkefni í fóstur og fylgi þeim eftir. Ekki eru aðrar greiðslur í boði fyrir þátttöku en bros frá gestum og eigin gleði.

 

Þeir sem hafa áhuga á að koma að dagskrá hátíðarinnar eða leggja fram krafta sína á annan hátt skulu sem fyrst hafa samband við Jón Egil Jóhannsson formann nefndarinnar (netfang: bjargeys @simnet.is).

 

Menningar- og ferðamálanefnd Dalabyggðar