Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
13. september 2012 11:37

Leitir og réttir

  

Nú um helgina er fyrsta leit og réttir hér í sveitarfélaginu. Á laugardaginn spáir lítils háttar rigningu, norðaustan 6 m/sek og hita um 6°C á hádegi, samkvæmt Veðurstofu Íslands.

 

Aldrei er áréttað um of að leitarmenn mæti vel búnir og klæðist fötum í áberandi litum. Símanúmer neyðarlínunnar er 112.

 

Hamli veður leit skal leita næsta færa dag.

 

Réttir

  

 

 

 

 

 

 

Kirkjufellsrétt í Haukadal er laugardaginn 15. september og hefst samkvæmt ákvörðun réttarstjóra að loknum leitum. Réttarstjóri er Valberg Sigfússon á Stóra-Vatnshorni.

 

Flekkudalsrétt á Fellsströnd er laugardaginn 15. september og hefst samkvæmt ákvörðun réttarstjóra að loknum leitum. Réttarstjóri er Halldór Þ. Þórðarson frá Breiðabólsstað.

 

Hólmarétt í Hörðudal er sunnudaginn 16. september kl. 10. Réttarstjóri er Ásgeir Salberg Jónsson í Blönduhlíð.

 

Skarðsrétt á Skarðsströnd er sunnudaginn 16. september kl. 11. Réttarstjóri er Ólafur Eggertsson í Manheimum. 

 

Brekkurétt í Saurbæ er sunnudaginn 16. september kl. 11. Réttarstjóri er Ólafur Gunnarsson í Þurranesi.

 

Skerðingsstaðarétt í Hvammssveit er sunnudaginn 16. september kl. 11. Réttarstjóri er Bjarni Ásgeirsson í Ásgarði.

 

Gillastaðarétt í Laxárdal er sunnudaginn 16. september kl. 12. Réttarstjóri er Harald Ó. Haralds á Svarfhóli.

 

Fellsendarétt í Miðdölum er sunnudaginn 16. september kl. 14. Réttarstjóri er Sigursteinn Hjartarson í Neðri-Hundadal.

 

Um næstu helgi verður síðan Vörðufellrétt á Skógarströnd laugardaginn 22. september kl. 13. Réttarstjóri er Jóel H. Jónasson á Bíldhóli.