Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
21. mars 2011 20:27

Úthlutun Menningarráðs Vesturlands

Menningarráð Vesturlands úthlutaði hæstu styrkjum að þessu sinni í Mennta- og menningarhúsi Borgarbyggðar á föstudaginn var.  

 

Í ræðu Jóns Pálma Pálssonar formanns  menningarráðs kom fram að það  er búið að úthluta 160 milljónum króna á þeim 6 árum sem Menningarráð Vesturlands hefur starfað.

 

Framlög  úr ríkissjóði til ráðsins eru 23,4 millj. á árinu 2011 sem er 2,6 milljón króna lækkun frá árinu 2010. 

 

Úthlutað var  26,6 milljónum til 71 verkefnis, en sótt var um 138 verkefni að upphæð tæplega 92 milljónir króna.

 

Sveitarfélögin á Vesturlandi munu styrkja menningarsamninganna samtals um 10,5 millj. króna, sem er óbreytt framlag frá árinu áður og veldur því að hægt verður að úthluta sambærilegum fjárupphæðum á árinu 2011 og gert var á árinu 2010 þrátt fyrir áðurnefnda lækkun frá ríkissjóði.

 

Brúðuheimar í Borgarnesi, Bernd Ogrodnik og Hildur M Jónsdóttir hlutu hæstan styrk í ár eða 1.250.000kr fyrir uppsetningu á Gamli maðurinn og hafið. Brúðuleikhús fyrir fullorðna leikhúsgesti, en sýningin verður einnig í boði fyrir eldri bekki grunnskóla og framhaldsskóla. Þórhallur Sigurðsson leikstjóri leikstýrir sýningunni.

 

Mörg áhugaverð verkefni fengu styrki  í ár. Að athöfninni lokinni voru verkefnin sem fengu styrk kynnt á heimasíðu Menningarráðs Vesturlands (www.menningarviti.is) með stuttum skýringum á verkefnunum.

 

Menningarsamningur hefur ekki verið undirritaður en að þessu sinni verður samið til þriggja ára, en það gefur festu í starfið að geta skipulagt verkefnin lengra fram í tímann. Reiknað er með því að samningarnir verði undirritaðir á næstunni.

 

Þeir aðilar i Dalabyggð sem hlutu styrk að þessu sinni voru Ólafsdalsfélagið, Sögufélag Dalamanna, Tónlistarhátíð í Dölum og Erpsstaðir.