Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
21. mars 2011 08:09

Lífræn aðlögun sauðfjárræktar

Landbúnaðarháskóli Íslands á Hvanneyri, í samstarfi við vottunarstofuna Tún eru með námskeið í lífrænni aðlögun sauðfjárræktar í Tjarnarlundi, föstudaginn 1. apríl, kl. 12:45-17:00.

 

 

Námskeiðið er ætlað þeim sem stunda sauðfjárrækt og hafa áhuga á að kynna sér möguleika sína á upptöku lífrænna aðferða og á markaðssetningu lífrænna sauðfjárafurða.
 
Á námskeiðinu verður fjallað um helstu þætti lífrænnar aðlögunar, einkum fóðurframleiðslu, aðbúnað og heilbrigði sauðfjárins. Fjallað verður um vandamál sem tengjast húsakosti, beitarstjórnun, heyöflun og sjúkdómum, og gerð grein fyrir fenginni reynslu bænda og dýralækna af lausn þeirra með náttúrulegum, fyrirbyggjandi aðferðum.
 
Þá verður fjallað um skýrsluhald, eftirlit og vottun lífrænnar sauðfjárræktar, og aðra þætti sem huga þarf að við markaðssetningu lífrænna afurða.
 
Skráningar: endurmenntun@lbhi.is (fram komi nafn, kennitala, heimili, sími og nafn námskeiðs) eða hafa samband í síma 433 5033 / 433 5000.

 

Verð: 14.000 kr. 

 

Nánari upplýsingar á heimasíðu Landbúnaðarháskólans.