Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
21. júní 2010 20:27

Sveitarstjóri

Dalabyggð auglýsir lausa til umsóknar stöðu sveitarstjóra.

 

Dalabyggð er öflugt landbúnaðarhérað með um 700 íbúa. Þéttbýliskjarni sveitarfélagsins er Búðardalur og er þar alla almenna þjónustu að finna. Árið 2009 voru tveir grunnskólar, leikskólinn og tónlistarskólinn sameinaðar í eina stofnun, Auðarskóla sem nú hefur lokið sínu fyrsta starfsári en er enn í mótun. Nánari upplýsingar um sveitarfélagið er að finna á heimasíðunni www.dalir.is.

 

Nýkjörin sveitarstjórn var kosin í óbundinni kosningu (persónukjöri) og leggur upp með að starfa sem ein heild. Leitað er eftir öflugum og áhugasömum einstaklingi til að takast á við krefjandi verkefni. Æskilegt að viðkomandi geti hafið störf sem fyrst.

 

Starfsvið sveitarstjóra:

Daglegur rekstur sveitarfélagsins og ábyrgð á framkvæmd ákvarðana sveitarstjórnar

Yfirumsjón með skipulagi og virkni stjórnsýslu sveitarfélagsins og starfsmannamálum

Náið samstarf við sveitarstjórn, undirbúningur og upplýsingagjöf á fundum sveitarstjórnar og byggðarráðs

Sveitarstjóri gætir hagsmuna sveitarfélagsins út á við og annast  samskipti við stofnanir, samtök, fyrirtæki og íbúa.

Stefnumarkandi vinna í atvinnumálum

 

Helstu kostir sveitarstjóra:

Leiðtogahæfni, frumkvæði og hæfni í mannlegum samskiptum

Áhugi og reynsla af bókhaldi, stjórnun og rekstri

Reynsla af störfum á sveitarstjórnarstigi er æskileg

Áhugi á uppbyggingu samfélagsins, sem og markaðs- og kynningarmálum

Hæfni til að tjá sig í ræðu og riti

Háskólamenntun sem nýtist í starfi er kostur en ekki skilyrði

 

Nánari upplýsingar:

Katrín S. Óladóttir, katrin@hagvangur.is

Brynhildur Halldórsdóttir, brynhildur@hagvangur.is

 

Umsóknarfrestur er til og með 30. júní 2010